Երևան-Թբիլիսի-Երևան գնացքը հոկտեմբերի 2-ից վերսկսում է իր աշխատանքը
Հոկտեմբերի1-ին փակվում է Երևան-Թբիլիսի-Բաթումի-Երևան երթուղում գործող «Արմենիա» ֆիրմային գնացքի սեզոնը և արդեն հոկտեմբերի 2-ից իր աշխատանքն է վերսկսում «Հարավկովկասյան երկաթուղի» ՓԲԸ Երևան-Թբիլիսի-Երևան գնացքը:
Երևանից Թբիլիսի գնացքը մեկնելու է ամսվա զույգ օրերին՝ժամը 21:30-ին:
Թբիլիսիից Երևան գնացքը վերադառնալու է ամսվա կենտ օրերին՝ժամը 20:20-ին:
Ուղևորության ժամանակը կազմումէ 10 ժամ 20 րոպե:
Տոմսերի գները տատանվում են 9 500 դրամից պլացկարտում վերև տեղի համար մինչև 20 080 դրամ՝ ննջավագոնում մեկ տեղի համար: Այս մասին տեղեկացնում է ՀԿԵ-ն:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել