Կապանի թիվ 38/08 ընտրատեղամասում քվեարկության սկզբին հանձնաժողովի անդամներից մեկը քաղաքապետի և ավագանու քվեաթերթիկների ծրարները խառնել էր: Ծրարների և քվեաթերթիկների գույների միջև տարբերություն կա. բաց ծիրանագույն քվեաթերթիկներն ու ծրարները քաղաքապետի քվեարկության համար է, իսկ սպիտակը՝ ավագանու թեկնածուներինը:

Ավագանու թեկնածուներից Նարեկ Բաբայանի վստահված անձ Ավետիք Ավետիսյանը «Հետքին» ասաց, որ արձանագրություն է կազմվել, և առայժմ ընտրախախտում չեն նկատել: Իսկ ծրարների և քվեաթերթիկների անհամապատասխան գույներով քվեարկել են, ըստ Ավետիսյանի, 20-25 հոգի, հանձնաժողովի նախագահ Մերի Ղոնյանի կարծիքով՝ մոտ 15: