HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գրիշա Բալասանյան

Սննդի անվտանգության վերաբերյալ վարչապետը «ձևակերպել է հանձնարարականներ»

Ազգային ժողովի պատգամավոր Մարգարիտ Եսայանը վարչապետ Կարեն Կարապետյանից հետաքրքրվեց, թե կառավարությունն ինչ քայլեր է ձեռնարկելու սննդի անվտանգության ոլորտում: Պատգամավորը, որպես մտահոգիչ փաստ` ներկայացրեց «Հետքի» ուսումնասիրությունները սննդի ոլորտում:

Վարչապետը նշեց, որ կարևոր հարց է բարձրաձայնվում:

«Եթե նկատել եք, մեր ծրագրում էլ մի երկու տեղ գյուղատնտեսության ոլորտում հենց սննդի անվտանգության հարցն է: Եվ այստեղ մենք բոլորս պետք է քաջ գիտակցենք, որ եթե մենք մեր երեխաներին, մեր կանանց, մեր բարեկամներին չենք կարողանալու ապահովել գոնե անվտանգ սնունդով, ապա…վերջը հասկանալի է»,- ասաց վարչապետ Կարեն Կարապետյանը:

Նրա խոսքով՝ մամուլի հրապարակումների վերաբերյալ ձևակերպվել է հանձնարարական: Վարչապետը չհիշեց ժամկետները, բայց սննդի անվտանգության մասով հանձնարարականներ ձևակերպվել են նաև հանդիպումների, քննարկումների արդյունքում, որոնց ժամանակ սննդի անվտանգության վերաբերյալ շատ է հարցը արծարծվել:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter