Այս տարվա սեպտեմբերին Հայաստանում 1 ԱՄՆ դոլարը միջինում արժեցել է 474.1 դրամ։  Օգոստոսի համեմատ դոլարը փոքր-ինչ էժանացել է՝ միջին փոխարժեքը նվազել է 1.35 դրամով կամ 0.3%-ով։ 

Այս մասին են վկայում ՀՀ կենտրոնական բանկի տվյալները, որոնք փոխանցում  է ՀՀ ազգային վիճակագրական ծառայությունը (ՀՀ ԱՎԾ)։ 

Վերջին մեկ տարում դրամի նկատմամբ դոլարի միջին փոխարժեքն ամենաբարձրը եղել է այս տարվա փետրվարին։ Իսկ ամենացածր ցուցանիշը գրանցվել է նախորդ տարվա հոկտեմբերին։ 

Ըստ ՀՀ ԿԲ-ի վերջին տվյալների՝ այս հոկտեմբերի 21-ի դրությամբ  1  դոլար միջին փոխարժեքը կազմել է 475.26 դրամ։