ԱՄՆ դեսպանատան դիմաց մի խումբ քաղաքացիներ հավաքվել էին իրենց զորակցությունը հայտնելու Հյուսիսային Դակոտա նահանգում պայքարողներին, ովքեր ոտքի են կանգնել NoDAPL-ի (Հյուսիսային Դակոտայի նավթամուղ)-ի դեմ: Նավթամուղի անցկացմամբ վտանգվում են այս տարածքում ապրող 200-ից ավելի բնիկ ամերիկացի ժողովուրդների ջրի աղբյուրները, սրբավայրերը, նախնիների գերեզմանները, կենսականորեն անհրաժեշտ այլ տարածքներ: Նավթամուղի դեմ պայքարողները ենթարկվում են ոստիկանական ճնշումների:

Ակցիայի ընթացքում նամակ հանձնվեց ԱՄՆ դեսպան Ռիչարդ Միլսին:

Զորակցությունից բացի ակցիայի մասնակիցները թռուցիկներ էին բաժանում Ամուլսարի հանքարդյունաբերական ծրագրի  մասին, ինչպես նաև դրա կասեցումը պահանջող ստորագրահավաքի մասին տեղեկատվություն: