HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Վահե Սարուխանյան

Մագնուս Կառլսենը պահպանեց շախմատային թագը

Շախմատի աշխարհի գործող չեմպիոն, նորվեգացի Մագնուս Կառլսենը դժվարին պայքարում կարողացավ պահպանել թագը Ռուսաստանի ներկայացուցիչ Սերգեյ Կարյակինի հետ պայքարում, որը ծավալվել էր Նյու Յորքում: Դասական շախմատի 12 պարտիաներում գրանցվեց 6-6 հաշիվ: Ընդ որում՝ կողմերը կարողացան միայն մեկական հաղթանակ տանել, իսկ 10 պարտիա խաղաղ ելք ունեցավ: Կանոնակարգի համաձայն՝ դասական պարտիաներից հետո նշանակվեց թայ-բրեյք, որի ժամանակ նախ խաղացվեց արագ շախմատի 4 պարտիա: 

Ահա այստեղ էլ նորվեգացին երկու ոչ-ոքի խաղալուց հետո 3-րդ եւ 4-րդ պարտիաներում կարողացավ կոտրել հավակնորդի դիմադրությունը, որի հետ Ռուսաստանում սկսել էին ավելի ու ավելի մեծ հույսեր կապել: Այսպիսով՝ թայ-բրեյքում գրանցված 3-1 հաշվով հաղթանակից հետո աշխարհի 16-րդ չեմպիոն Մագնուս Կառլսենը կշարունակի կրել չեմպիոնի թագը, որը նրան է պատկանում 2013-ից:

Հիշեցնենք, որ 2013-ին Կառլսենն իբրեւ հավակնորդ 6,5-3,5 հաշվով հաղթեց այն ժամանակվա գործող չեմպիոն, հնդիկ Վիշվանաթան Անանդին՝ «Մադրասի վագրին»: Ընդ որում՝ մրցամարտը կայացավ հենց Չեննայում (Մադրաս): 2014-ին Սոչիում արդեն հավակնորդ Անանդը փորձեց հետ բերել թագը, սակայն նորվեգացին ուժեղ էր՝ 6,5-4,5:

Կարյակինի հետ մրցամարտը դժվարագույնն էր Կառլսենի համար այս դիմակայությունների շարքում, սակայն այս անգամ էլ նա հաղթող դուրս եկավ:   

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter