Նախարարը չի ցանկանում գնահատել պարարտանյութերի ոլորտի չարաշահումները
Գյուղատնտեսության նախարար Իգնատի Առաքելյանը կառավարության նիստից հետո, անդրադառնալով հայկական շուկայում վաճառվող թուրքական լոլիկի և վարունգի վաճառքին, ասաց, որ երեկ խորհրդակցություն է եղել Հայաստանի ջերմատնային ասոցիացիայի նախագահ Պողոս Գևորգյանի հետ, նրան հայտնել է, որ եթե ունեն լոլիկ ապօրինի ներկրման փաստեր, ներկայացնեն դրանց հասցեները, քանի որ ՍԱՊԾ-ն, ՊԵԿ-ը պատրաստակամ են կատարել ուսումնասիրություններ այդ ոլորտում։ Նախարարի խոսքով` խորհրդակցությանը մասնակիցները պարզաբանել են, որ այդ լոլիկները արդեն հավաքվել են և դուրս են եկել վաճառքից։
Իգնատի Առաքելյանը հավաստիացրեց, որ բոլոր պետական մարմինները աշխատում են՝ այդ հարցը պարզաբանելու համար, և եթե ապրանքը օրենքից դուրս է ներկրվել, գործընթացը կկարգավորվի օրենքի սահմաններում։
Առաքելյանը նաև զրուցել է ՊԵԿ-ի նախագահի հետ, տեղեկացել, որ նրա հանձնարարականով քայլեր են ձեռնարկվում՝ պարզելու, թե արդյոք մաքսանենգության հարց կա, թե ոչ։
Անդրադառնալով թուրքական ապրանքների ներկրման արգելքին` նախարարը նշեց, որ եթե օրենքով է ներմուծվում, չեն կարող արգելել դրանց մուտքը Հայաստան։
Նախարարը պարտանյութերի ոլորտում տեղի ունեցած չարաշահումները չցանկացավ գնահատել` նշելով, որ դրանք վերլուծողն ու գնահատողը նա չէ, հիմա շատ գործ ունի անելու և ժամանակ չունի` հարցնելու, թե ինչու է նախկինում այդպես եղել: Այդ չարաշահումները պարզելու համար Առաքելյանը լրագրողերին հորդորեց դիմել համապատասխան մարմիններին։
«2016 թվականին եղել է մրցույթ, և նախորդ տարի էլ եղել է կառավարության որոշում, թե ոնց պետք է անցկացվի այդ մրցույթը, հաջորդ տարվա համար հիմա մտածում ենք, թե ինչ ենք անելու, ոնց ենք անելու։ Բայց միանշանակ իմ տրամադրությունը միտված է նրան, որպեսզի շուկան բացեն, և ընդհանրապես պարարատանյութի սուբսիդավորում չանենք։ Այսինքն՝ թույլ տանք` ով ուզում է, բերի»,- նշեց Առաքելյանը։
Նախարարը հավելեց, որ այս հարցի շուրջ այժմ բանակացությունններ են ընթանում՝ հասկանալու համար, թե շուկայում ինչ գնային ազդեցություն կունենա պարտանյութերի ազատ մուտքը։
լուսանկարը` minagro.am
Մեկնաբանել