ԱԺ-ն ընդունեց երկու օրենքի նախագիծ և ավարտեց տասներորդ նստաշրջանը
ԱԺ-ն 85 կողմ, 4 դեմ և 18 ձեռնպահ ձայների հարաբերակցությամբ ընդունեց կառավարության կողմից ներկայացված «Տեղական տուրքերի և վճարների մասին» ՀՀ օրենքում փոփոխություններ կատարելու մասին և կից ներկայացված օրենքների նախագծերի փաթեթը։
Մինչ քվեարկության անցնելը «Բարգավաճ Հայաստան» կուսակցության պատգամավոր Ստեփան Մարգարյանը հայտնեց, որ այսօր տեղի է ունեցել տարածքային կառավարման և տեղական ինքնակառավարման հանձնաժողովի նիստը և իր առաջարկության հիման վրա հանձնաժողովը որոշել է երկուշաբթի օրը խորհրդարանական լսումներ կազմակերպել՝ այս նախագծի, «Տեղական ինքնակառավարման մասին» օրենքի նախագծի հետ կապված։
Մեկ այլ քվերակությամբ օրենսդիր մարմինը 83 կողմ, 24 դեմ և 1 ձեռնպահ ձայների հարաբերակցությամբ ընդունեց «Հայաստանի Հանրապետության 2017 թվականի պետական բյուջեի մասին» օրենքի նախագիծը։
Մինչ քվերակությունը ՀԱԿ խմբակցության ղեկավար Լևոն Զուրաբյանը հայտնեց, որ իրենց կուսակցությունը դեմ է քվեարկելու այս բյուջեին, քանի որ, նրա գնահատմամբ, այս նախագիծը գրավոր ապացույց է, որ այս կառավարությունը խոստովանում է, որ ի վիճակի չէ զարգացնել երկիրը։
Այս քվերակություններով խորհրդարանն ավարտեց հինգերորդ գումարման 10-րդ նստաշրջանի աշխատանքները։
Մեկնաբանել