Նարեկ Ալեքսանյան

Երանոս լեռը Երևանից ընդամենը 30 կմ է հեռու, գտնվում է Արարատի և Կոտայքի մարզի սահմանին: Համեմատած Հայկական բարձրավանդակի այլ լեռների հետ՝ Երանոսն այնքան էլ բարձր չէ՝ ծովի մակարդակից 1824 մ, բայց այստեղից հրաշալի տեսարան է բացվում դեպի Ազատի կիրճ, պարզ եղանակի դեպքում երևում են Գեղամա լեռները, Արայի լեռը, Արարատն ու Արագածը, հեռվում նշմարվում են նաև մայրաքաղաքի բարձրահարկերն ու հեռուստաաշտարակը: «Հետք»-ն ArmLand արշավական խմբի հետ այս կիրակի բարձրացել էր Երանոս: