Տեսանյութեր
Լուսանկարներ
Հայաստանի և Վրաստանի պաշտպանության նախարարները ստորագրել են երկկողմ համագործակցության 2017թ. ծրագիրը
Հայաստանի պաշպանության նախարարի գլխավորած պատվիրակությունն այսօր պաշտոնական այցով ժամանել է Վրաստան: Այս մասին հայտնում է նախարարության տեղեկատվության վարչությունը:
Թբիլիսիում կայացած դիմավորման պաշտոնական արարողությունից հետո կայացել է Հայաստանի և Վրաստանի պաշտպանության նախարարներ Վիգեն Սարգսյանի և Լևան Իզորիայի առանձնազրույցը, որին հաջորդել է երկու երկրների պաշտպանական գերատեսչությունների պատվիրակությունների հանդիպումն ընդլայնված կազմով: Հանդիպումների ընթացքում քննարկվել են հայ-վրացական ռազմական համագործակցությունն ու ապագա ծրագրերը: Կողմերը անդրադարձել են նաև տարածաշրջանային անվտանգության խնդիրներին:
Բանակցություններն ավարտվել են Հայաստանի և Վրաստանի պաշտպանության նախարարությունների միջև երկկողմ համագործակցության 2017թ. ծրագրի ստորագրման արարողությամբ:
Բանակցությունների արդյունքներն ամփոփվել են Հայաստանի ու Վրաստանի պաշտպանության նախարարների համատեղ մամուլի ասուլիսի ժամանակ:
Մեկնաբանել