Հարկադիր կատարման ծառայությունում այսօր ամփոփվել են 2016 թվականի գործունեության արդյունքները:

Ըստ վիճակագրության՝ 2016 թվականին ԴԱՀԿ ծառայության կողմից բռնագանձումների և վերականգնումների ծավալը կազմել է 21 670 961 459 դրամ, այդ թվում՝ պետական բյուջեի օգտին՝ 5 635 406 091 դրամ, իրավաբանական անձանց օգտին՝ 11 710 214 650 դրամ, իսկ ֆիզիկական անձանց օգտին՝ 1 791 476 191 դրամ:

Հարուցվել է 1 224 417 կատարողական վարույթ: 2016 թվականին ավարտված և կարճված կատարողական վարույթների քանակը կազմել է 1 471 231 կատարողական վարույթ, իսկ տարեվերջին մնացորդային կատարողական վարույթները կազմել են թվով 53 579 հատ: