Հինգշաբթի, 25 մայիսի

Համաձայնագիր՝ գիտատեխնիկական ոլորտի հետազոտությունների զարգացման և ամրապնդման համար



Գործադիրը այսօրվա նիստում հավանության արժանացրեց կրթության և գիտության նախարար Լևոն Մկրտչյանի՝ «ԱՊՀ անդամ պետությունների հիմնարար հետազոտությունների ոլորտում միջպետական հարաբերությունների համակարգման մասին» համաձայնագրի ստորագրման որոշման նախագիծը։

Համաձայն կառավարություն ներկայացված հիմնավորման` այս համաձայնագրի կնքումը նշանակալի քայլ է` ԱՊՀ անդամ պետությունների գիտատեխնիկական ոլորտում հիմնարար հետազոտությունների զարգացման և ամրապնդման համար:

«Համաձայնագիրը հնարավորություն կընձեռի զարգացնել և ամրապնդել ԱՊՀ անդամ պետությունների ընդհանուր գիտական տարածությունը, ինչպես նաև համակարգել ԱՊՀ անդամ պետությունների գործունեությունը հիմնարար հետազոտությունների ոլորտում»,-ասված է որոշման նախագծում։

Ինչպես գրված է կրթության և գիտության նախարարությունից ներկայացված տեղեկանքում՝ այս համաձայնագրի ստորագրումը կնպաստի նաև հիմնարար հետազոտություններ իրականացնող կադրերի մասնագիտական պատրաստման որակի բարելավմանը, ազգային և միջազգային փորձի ուսումնասիրմանը և գիտական կադրերի՝ հատկապես երիտասարդ գիտնականների և մասնագետների շարժունակության զարգացմանը:

Լուսանկարը՝ livescience.com-ի


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ