Կառավարության այսօրվա նիստի մեկնարկին վարչապետ Կարեն Կարապետյանը, անդրադառնալով մամուլում հրապարակված այն տեղեկությանը, որ գերատեսչությունների, մարզային կառույցների ղեկավարները իրենց ադմինիստրատիվ ռեսուրսները օգտագործում են քարոզչության նպատակով, հայտարարեց. «Մտնում ենք նախընտրական փուլ, բոլորին խստագույնս զգուշացվում է, որ նման ծառայությունները «արջի ծառայություն» են լինելու, անկախ նրանից, թե որ կուսակցության շահն են իրենք պահում։ Հատուկ ուշադրություն դարձնել այդ բանին»,-ասաց նա։