Սերժ Սարգսյանը առաջարկել է Վերահսկիչ պալատի նախագահ նշանակել Լևոն Յոլյանին
Ազգային ժողովի այսօրվա նիստի մեկնարկին ԱԺ նախագահ Գալուստ Սահակյանը հայտարարեց, որ այսօր լրացել է Վերահսկիչ պալատի նախագահ Իշխան Զաքարյանի հրաժարականի դիմումի 15-օրյա ժամկետը և ԱԺ թիվ 18 արձանագրությամբ՝ նրա լիազորությունները դադարեցվել են։
Սահակյանի հաղորդմամբ՝ Սերժ Սարգսյանը առաջարկել է Վերահսկիչ պալատի նախագահ նշանակել Լևոն Յոլյանին, ով 2007-ին եղել է Վերահսկիչ պալատի նախագահի տեղակալ։
Հիշեցնենք, որ Լևոն Յոլյանը 2016 թ. փետրվարի 29-ին նախագահի հրամանագրով նշանակվել է էներգետիկայի և բնական պաշարների նախարար, սակայն նոր կառավարության ձևավորման գործընթացում Յոլյանը հեռացվել էր այս պաշտոնից՝ իր տեղը զիջելով Աշոտ Մանուկյանին։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել