«Լիդիան Արմենիա»-ն Կանադայում ներկայացրել է Ամուլսարի ծրագիրը
Մարտի 5-8-ը Կանադայի Տորոնտո քաղաքում տեղի է ունեցել Հանքարդյունաբերության ոլորտի ամենախոշոր միջազգային համաժողովը: Համաժողովին մասնակցել է նաև «Լիդիան Արմենիա» ընկերությունը` ներկայացնելով Ամուլսարի ծրագիրը:
«Լիդիան Արմենիա» ընկերությունը, ըստ իրենց հաղորդագրության, համաժողովին մասնակցում է արդեն 9-րդ անգամ, սակայն այս տարի Հայաստանի «հանքարդյունաբերության ներդրումային պոտենցիալը» ներկայացվել է նաև պետական մակարդակով: Ընկերության հաղորդագրության մեջ նշված է.
«Առաջին անգամ համաժողովին ներկայացված էր նաև Հայաստանի կառավարությունը՝ ի դեմս ՀՀ էներգետիկ ենթակառուցվածների և բնական պաշարների փոխնախարար Վարդան Գևորգյանի: Պարոն Գևորգյանը ներկայացրեց Հայաստանի հանքարդյունաբերության ներդրումային պոտենցիալը, այնուհետև Լիդիան Արմենիայի գործադիր տնօրեն Հայկ Ալոյանը ներկայացրեց Ամուլսարի ծրագիրը: Փոխնախարարը հանդիմումներ ունեցավ խոշոր միջազգային ինստիտուցիոնալ ներդրումային կազմակերպությունների հետ, որոնք ներդրումներ են իրականացրել Հայաստանում և Ամուլսարի ծրագրում»:
Մեկնաբանություններ (1)
Մեկնաբանել