Երեքշաբթի, 18 սեպտեմբերի

200 հազար դոլար արժողության նկարից մինչև բնակարան Իսպանիայում



Սյունիքի գործող մարզպետ Վահե Հակոբյանը ևս պատգամավորության թեկնածու է: Հանրապետական կուսակցությունը նրան տարածքային ցուցակով առաջադրել է թիվ 12 ընտրատարածքում, որն ընդգրկում է Սյունիքի և Վայոց ձորի մարզերը:

Որպես պատգամավորության թեկնածու Վահե Հակոբյանը Կենտրոնական ընտրական հանձնաժողով է ներկայացրել գույքի ու եկամուտների հայտարարագիր, որն ընդգրկում է 2016թ. փետրվարի 1-ից մինչև 2017թ. հունվարի 31-ը:

Առանձնահատուկ է պատգամավորի հայտարարագրած թանկարժեք գույքը:

Վ. Հակոբյանը նշված ժամանակահատվածում հայտարարագրել է 36 միլիոն դրամ, 115 հազար եվրո և 191 հազար դոլար:

Ինչ վերաբերում է եկամուտներին, պատգամավորի թեկնածուն հայտարարագրել է 147 միլիոն 354 հազար դրամ, որի գերակշիռ մասը «Քրոնիմետ Մետալ Թրեյդինգ Սի Այ Էս» և «Զանգեզուրի պղնձամոլիբդենային կոմբինատ» ՓԲԸ-ներից ստացված աշխատավարձն է, համապատասխանաբար՝ մոտ 49 միլիոն և 41 միլիոն դրամ: Իսկ 55 միլիոն դրամով օտարել է գույք և դրանից ստացել եկամուտ:

Նշենք, որ Վահե Հակոբյանը «Քրոնիմետ Մետալ Թրեյդինգ Սի Այ Էս» ՓԲԸ-ում ունի 10% բաժնոտոմս, որը հանձնել է հավատարմագրային կառավարման:

Վահե Հակոբյանն ունի երկու անշարժ գույք՝ Իսպանիայի Ալիկանտե քաղաքում 90քմ մակերեսով բնակարան, որը համատեղ սեփականություն է և միանձնյա սեփականության իրավունքով հողմաս Երևան քաղաքի Ղափանցյան փողոցում:

Ունի նաև երկու տրանսպորտային միջոց՝ 2015թ. արտադության  Lexus ES 250 մարդատար ավտոմեքենա և նույն թվականի արտադրության Harley-Davidson, Night Rod Special մակնիշի մոտոցիկլետ: 

լուսանկարում` Սյունիքի մարզպետ Վահե Հակոբյանը


Գլխավոր էջ



Մեկնաբանություններ (4)
1. Տիգրան11:33 - 15 մարտի, 2017
նկարի մասին ոչ մի խոսք, չնայած գրված էր վերնագրում
2. Անուշ17:01 - 15 մարտի, 2017
Մարդիկ .......Մարդիկ ձեր չունևորության համար մի մեղադրեք ոչ ոքի...այդպես է.կոշիկներն են մեղավոր սեփական անհաջողությունների համար-Բեքեթ:Անձնական ոչինչ չպետք է հետաքրքրի ոչ ոքի...ինչ ունի կամ ինչ չունի....էէէ դու էլ ունեցի...Կարևորը ուղեղն է,ներքին անդորրը....Նա գործից հասկացող մարդ է՝պրոֆեսիոնալ...:.Մենք պարզապես սովոր չենք կարգ ու կանոնի: Շատ ուրախ կլինեի, եթե նրան հռչակեին բռռնապետ:
3. Վարազ Սյունի 20:05 - 16 մարտի, 2017
2016 թվին Հայաստանում արդյունահանվել է 33 մլն տոննա մետաղական հանքանյութ, որից նաև 3.5 տոննա ոսկի են ստացել, բայց՝ պետական բյուջեն սրանից ստացել է ընդամենը 23 մլրդ դրամ (մոտ 46 մլն եվրո): Հասկացա՞ք ինչ է կատարվում. հայաստանցու ազգային հարստությունը՝ ոսկին, հայի քթի տակից տանում են ու մահաբեր պոչամբարներ թողնում, բայց շարքային հայաստանցին շարունակում է մնալ աղքատ-չքավոր: Էդքան հանքեր մի քանի օտարի՛ գրպաններն են հարստացնում: Եթե ԻՍԿԱՊԵՍ մտահոգված եք սյունեցու ճակատագրով,ապա Սյունիքում նախ այդ լկտի հանքային մաֆիայի սանձերը քաշեք ու ամեն հանքի ԳՈՆԵ 5-10%-ը համայնքի կամ սյունեցիների սեփականությունը դարձրեք:
4. Վարազ Սյունի 20:06 - 16 մարտի, 2017
Սյունիքի ներկա (ուշադրություն՝ երևա՛նցի) մարզպետ Վահե Հակոբյանը 2016 թ. հոկտեմբերի Կապանի քաղաքապետի ընտրությունների ժամանակ դեռ ԶՊՄԿ անկուսակցական փոխտնօրեն էր ու,ապօրինաբար խառնվելով քաղաքապետի ընտրություններին, ԶՊՄԿ-ի անունից Կապանին «ոսկե սարեր» խոստացավ,եթե Կապանի քաղաքապետ վերընտրվեր հհկ-ական Աշոտ Հայրապետյանը: Վերջինս (հհկ-ական/«նժդեհական» ոճով) վերընտրվեց ու դրանից անմիջապես հետո Վահե Հակոբյանին նշանակեցին Սյունիքի մարզպետ: Դուք այսպիսի ԲԼԵՖ տեսե՞լ եք:
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ