Տեսանյութեր
Լուսանկարներ
Անգլիական հրատարակչությունը լույս է ընծայել Արամ Պաչյանի «Ցտեսություն, Ծիտ» վեպը
Լոնդոնում մարտի 14-16-ն անցկացվում է Լոնդոնի գրքի միջազգային ցուցահանդեսը: Հայաստանի տաղավարը կազմակերպել են Լոնդոնի հայ համայնքի ներկայացուցիչները:
Արամ Պաչյանի «Ցտեսություն, Ծիտ» վեպի անգլերեն հրատարակությունը լույս տեսավ անգլիական «Գլագոսլավ» հրատարակչությունում: Սա «ԱՐԻ» գրական գործակալության կողմից իրականացված առաջին հրատարակումն է: Գործակալության տնօրենն է Արևիկ Աշխարոյանը:
«Գլագոսլավը» երկար տարիներ հրատարակում է ուկրաինացի, ռուս, լեհ, սերբ հեղինակների ստեղծագործություններ, իսկ վերջին մի քանի տարում նախաձեռնել է նախկին խորհրդային երկրների գրականության հրատարակումներ:
Արամ Պաչյանի «Ցտեսություն, Ծիտ» վեպի թարգմանությունը Նաիրի Հախվերդյանինն է: Օրեր առաջ նաև ստորագրվել է վեպի արաբերեն լեզվի թարգմանության իրավունքների պայմանագիրը եգիպտական «Ալ Արաբի» հրատարակչության հետ: Վեպի ֆրանսերեն հրատարակության գործընթացը բանակցության ընթացքում է, և շուտով հայտնի կլինի թե որ հրատարակչատունը այն լույս կընծայի:
Մեկնաբանել