HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դիանա Ղազարյան

Երկու ընկերությունների ԱԱՀ-ի վճարման հետաձգման արտոնություն է տրվել

Կառավարությունն այսօրվա նիստում որոշեց բավարարել տնտեսական զարգացման և ներդրումների նախարար Սուրեն Կարայանի ներկայացրած որոշման նախագիծը և արտոնություն տրամադրել երկու ընկերությունների։

Մասնավորապես՝ «Գոֆրոլայն» ՍՊԸ-ին կթույլատվի ապրիլի 6-ից մինչև դեկտեմբերի 1-ը Հայաստան ներմուծել ապրանքներ՝ ավելացված արժեքի հարկի վճարման ժամկետը 3 տարի հետաձգելով։ Ընկերությունը հանրապետություն է ներմուծելու թղթյա արտադրանքներ պատրաստող սարքեր։

«Ներդրումային ծրագրի շրջանակներում «Գոֆրոլայն» ՍՊ ընկերության նպատակն է հիմնել ամբողջովին նոր արտադրամաս` արտադրելով ծալքավոր ստվարաթուղթ, այնուհետև դրանից էլ` պատրաստի տարաներ, արկղեր, տուփեր և այլն»,-ասվել է որոշման նախագծում։

Ներկայացված ներդրումային ծրագրի շրջանակներում ընկերությունը նպատակադրված է կատարել ընդհանուր շուրջ 390 մլն դրամի ներդրում։

Վլադ Հակոբյանի անվան «Համակցված կերերի գործարան» ՓԲԸ-ն կառավարության կողմից նույն արտոնությունը ստացավ։

Այս ընկերությունն էլ նախատեսում է Արարատի մարզի Ջրաշեն համայնքում զբաղվել թռչնամսի արտադրությամբ` արտադրելով տարեկան շուրջ 10 մլն ճուտ։

Ընկերությունը տնտեսական զարգացման և ներդրումների նախարարությանը հավաստիացրել է, որ նպատակադրված է կատարել կես միլիարդ դրամի չափով ներդրում։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter