Կառուցելով նոր տուն սահմանամերձ գյուղում

Հրանտն ու Սարգյուլը երեք երեխաների հետ ապրում են սահմանամերձ Ներքին Կարմիրաղբյուր գյուղում։ Ամուսնանալուց հետո Հրանտը կնոջ հետ տեղափոխվել է այստեղ, քանի որ հայրական տունը մոտ էր հայ-ադրբեջանական սահմանին և գտնվում էր նշանառության տակ։ 20 տարուց ավելի նրանք այստեղ են ապրում, բայց տունն այժմ փլուզման վտանգի տակ է։ Անցած տարվանից Հրանտը սկսել է նոր տան շինարարությունը։ Պատերն ու առաստաղն է կառուցել, սակայն ներքին ու արտաքին հարդարման աշխատանքները դանդաղ են ընթանում․ նոր շինանյութ գնելու համար ընտանիքի բյուջեն չի բավականացնում։ Հրանտն ու Սարգյուլը հիմնական աշխատանք չունեն։ Երեխաներից երկուսը՝ Ալիսան ու Ալիկն անչափահաս են, մեծ աղջիկը՝ Ալինան, սովորում է Բերդ քաղաքի արհեստագործական ուսումնարանում։