Երեքշաբթի, 25 սեպտեմբերի

«Տնավարի» ընտրություններ՝ Երասխահուն համայնքում



Արմավիրի մարզի Երասխահուն համայնքի թիվ 15/25 ընտրատեղամասում ընտրություններն անցնում են «տնավարի»: Քվեախուց են մտնում մեկից ավել ընտրողներ և այդ ամենը «վրիպում» է թե հանձնաժողովի, թե վստահված անձանց աչքից: Օրինակ՝ ընտրության ժամանած մի տարեց տղամարդ էլեկտրոնային կարգով գրանցվելուց հետո հանգիստ շրջում էր տեղամասում, իսկ նրա փոխարեն քվեաթերթիկները ձեռքին քվեախուց մտավ մի տղամարդ, ով ներկայացավ ընտրողի որդի:

«Գումարելիների տեղափոխությունից գումարը չի փոխվում, ազգային հարցեր կան»,-խախտումն արդարացրեց հանձնաժողովի քարտուղար, ՀՀԿ-ական Սուսաննա Սարիբեկյանը, ով գյուղի միջնակարգ դպրոցի տնօրենն է: 

Աղմուկից հետո միայն հանձնաժողովը օգնողի տվյալները գրանցեց:

Երասխահունի համայնքապետ Արմեն Ավետիսյանը ՀՀԿ-ի վստահված անձն է, և ռեպլիկներով ակտիվ շփման մեջ է ընտրողների հետ: Նա է հրահանգում հանձնաժողովի անդամներին և ընտրողներին հորդորում քվեարկության բերել նաև ընտանիքի անդամներին: 

Թիվ 15/25 ընտրատեղամասում ընտրելու իրավունք ունի 1203 ընտրող, որից քվեարկությանը մասնակցել է մոտ 350- ը: 

Այս ընտրատեղամասում հանձնաժողովի նախագահը «Հայկական վերածնունդ» կուսակցության անդամ Ալբերտ Հայրապետյանն է, ով որևէ դերակատարում չունի:


Գլխավոր էջ

Տպել    |  In English


Տես նաև՝

ավելին



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ