Կենտրոն համայնքում քվեարկել են Վանաձորի, Գյումրիի, Արմավիրի, Գեղարքունիքի բնակության հասցե ունեցող ընտրողներ
Քիչ առաջ «Հետք»-ի հետ հեռախոսազրույցում «Կոնգրես-ՀԺԿ» վստահված անձ Սիրանուշ Մանուչարյանը հայտնեց, որ 9/07 ընտրատեղամասում (Կենտրոն համայնքի 4-րդ ընտրատարածք) մեծ թվով անձինք են լրացուցիչ ցուցակներով քվեարկության եկել, այդ ընտրատեղամասում լրացուցիչ ցուցակներով ընտրողների թիվը 500 է, Սիրանուշը հայտնեց, որ նկատել է ընտրողների, ովքեր Վանաձորի, Գյումրիի, Արմավիրի, Գեղարքունիքի բնակության հասցե ունեն:
Սիրանուշը նշեց նաև, որ ընտրատեղամասում կուտակումները շարունակվում են: Այս պահին ընտրության է մասնակցել 693 ընտրող:
Լուսանկարը տրամադրել է վստահված անձ Սիրանուշ Մանուչարյանը:
Ամալյա Մարգարյան
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել