Շիրակի մարզի Ամասիա խոշորացված համայնքի Ամասիա կենտրոնում կահավորված է ընդամենը մեկ ընտրատեղամաս՝ 30/37-ը:

«Հետքի»-ի լրագրողի` այնտեղ գտնվելու պահին` ժամը 15:30-ի դրությամբ, վիճաբանություն եղավ «Մարտունու կանանց համայնքային խորհուրդ» կազմակերպության ներկայացուցիչ Երեմ Եղիազարյանի եւ ընտրատարածքային տեղամասի հանձնաժողովի նախագահ Արգինե Մանուկյանի միջեւ:

Դիտորդը հայտարարեց, որ իրենք ահազանգ են ստացել կուտակումների վերաբերյալ եւ ինքը եկել է հարցը կարգավորելու: Վիճաբանությանը միջամտեց հանձնաժողովի անդամներից Լուսյա Ստեփանյանը՝ հայտարարելով, որ Երեմ Եղիազարյանը խանգարում է հանձնաժողովի աշխատանքներին, ինչի իրավունքը չունի:

«Մարտունու կանանք համայնքային խորհուրդ» կազմակերպության ներկայացուցիչը սկզբում առանց որեւէ խնդրի պատասխանեց «Հետք»-ի հարցերին, հետո պահանջ ներկայացրեց ջնջելու տեսանյութը: Պահանջը մերժվեց, քանի որ տեսանկարահանումը գաղտնի չէր կատարվել, դիտորդն էլ տեղյակ էր, որ նկարահանողը լրատվամիջոցի ներկայացուցիչ է: