Էմմա Թումանյան

Ախուրյանի թիվ 32/06 ընտրատարածքում ընտրողների մեծ կուտակումների պատճառով փակ են պահում դռները :

ՕՐՕ դաշինքի վստահված անձը արդեն երկրորդ դեպքն է, ինչ նկատում է, որ ընտրողները քվեարկության խցիկում չօգտագործված թերթիկները տանում են տուն : Վստահված անձը պնդեց, որ կինը դատարկի գրպանները, որից հետո էլ ծալված թերթիկները դուրս հանվեցին ու կազմեցին արձանագրություն :

Կինը պնդում է, որ թղթերը տանում է տուն, որպեսսզի կարդա ու ծանոթանա:

Հարցին, թե մինչ ընտրությունները ծանոթ չէիք թեկնածուներին, պատասխանեց. « Ծանոթ էի, բայց հիմա էլ լավ կկարդամ ու կծանոթանամ» :

Իսկ կարմիր գիրչը իր հետ բերած կինը ասում է, որ տնից է դա բերել, դրանով էլ քվեարկել է:

Ընտրողների թիվը 1932-ն է: Ժամը 14-ի դրությամբ արդեն քվեարկել են 459 ընտրող :

Հանձնաժողովի նախագահ, ՀՀԿ  ներկայացուցիչ Վահան Մարտիրոսյանը ընտրությունների ընթացքը համարում է հրաշալի: «Փառք Աստծո, այսպես էլ շարունակվի` լավ է»,- ասում է նա : Հիշեցնենք, որ ԱԺ-ը ընտություններին առաջադրվել են 9 կուսակցություն և դաշինք :