HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դիանա Ղազարյան

Արմեն Մարտիրոսյան. «ունենք 3 անձի կողմից ձևավորած խորհրդարան»

«Օհանյան-Րաֆֆի-Օսկանյան» դաշինքի պատգամավորի թեկնածու Արմեն Մարտիորսյանն ու դաշինքի անդամ Հովսեփ Խուրշուդյանը ապրիլի 2-ին կայացած ընտրությունից հետո այսօր հանդես եկան ասուլիսով։

Լրագրողների հետ հանդիպմանը Մարտիրոսյանը նշեց, որ այս ընտրությունը ոչ թե քաղաքական գործընթաց էր, այլ ձայների հրապարակային աճուրդ և սև քարոզչության արդյունք՝ հատկապես իրենց դաշինքի նկատմամբ։ Ասում է՝ սա իշխանությունների կողմից լավ ուղղորդված քվեարկություն էր։

«Իմ կարծիքով` այս պահին մեր խորհրդարանում ունենք 3 անձի կողմից ձևավորած խորհրդարան։ Երեք անձիք, ովքեր ձևավորել են խորհրդարանը, հետևյալն են՝ Սերժ Սարգսյան, Գագիկ Ծառուկյան և Միքայել Մինասյան։ Այլ ուժեր, անձիք ես չեմ տեսնում, ովքեր ձևավորել են խորհրդարանը»,- նշեց նա։

Մարտիրոսյանն ասում է՝ այս պարագայում ակնհայտորեն ունենալու են հասարակական շահի պաշտպանության խնդիր և իրենք, իրենց հետ համագործակցող ուժերը «լինելու են այդ շահը պաշտպանող առաջամարտիկները»։

«Մենք դեգրադացման վերջին փուլն ենք ապրում, որովհետև սրանից հետո կամ իսկապես երկրի կործանում կլինի, կամ ժողովուրդը այնուամենայնիվ կսթափվի և կհասկանա, թե ինչ տեղի ունեցավ»,- հավելեց Մարտիրոսյանը։

Արմեն Մարտիրոսյանի խոսքը շարունակեց «Օհանյան-Րաֆֆի-Օսկանյան» դաշինքի անդամ Հովսեփ Խուրշուդյանը։, ում դիտարկմամբ՝ ակնհայտ է, որ ընտրություններում ընդդիմությունը պարտվեց, քանի որ չկարողացավ ընտրողին համոզել, որ միասնական, հակաիշխանական այլընտրանք ունի։

««Ժառանգություն»-ը սկզբից, ապա և «ՕՐՕ» դաշինքը ամեն ինչ արեց, որպեսզի հնարավոր լինի լայն համախմբում իշխանության դեմ, որպեսզի այդ այլընտրանքը ձևավորվի և մարդիկ տեսնեն, որ իրենց քվեն կարող է իրական փոփոխությունների բերել»։

Նա այս իրավիճակում նաև ընդդմիության մեղքի բաժին է տեսնում։ Ասում է՝ ընդդիմությունը, գիտակցելով, որ իշխող կուսակցությունը պետք է ամեն գնով բռնազավթի իշխանությունը, պետք է վերլուծեր 2012 թվականի ընտրությունների փորձը, սակայն դա չարեց, և ստացավ այն, ինչ այսօր ունի։

Խուրշուդյանի խոսքով` ակնհայտ է, որ ժողովրդի այն հատվածը, որը պետք է գնար ընտրության, ընտրեր ընդդիմությանը, զգալի քանակով չգնաց քվեարկության, իսկ մի մասը մոլորության մեջ հայտնեց, մի մասն էլ՝ սոցիալական վիճակից, այլընտրանքի բացակայությունից ելնելով, տրվեց գայթակղությանը՝ ընտրակաշառք վերցնելով։

Մեկնաբանություններ (2)

Vahe Bastian
You should have included other opposition groups in your party, together we could have got rid of this semi-authoritarian government !
Էդգար Ք,
Վերջապես սթափվել է պետք. այսքան թուք ու մուռ ժողովրդի հասցէի՞ն. ձիշտ էլ արել են որ ձեզ չեն ընտրել:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter