Տաթեւ Հակոբյանը երկրորդ բրոնզը նվաճեց Հայաստանի համար
Ծանրամարտի Հայաստանի կանանց հավաքականը Խորվաթիայում անցկացվող Եվրոպայի առաջնությունում ավարտեց մրցելույթները:
Այսօր վերջինը պայքարի մեջ մտավ մինչեւ 90 կգ քաշային Տաթեւ Հակոբյանը: 21-ամյա մարզուհին երկամարտի 230 (105+125) կգ արդյունքով նվաճեց Եվրոպայի առաջնության բրոնզե մեդալը: Տաթեւը նաեւ փոքր բրոնզի արժանացավ պոկում վարժությունում (105 կգ):
Երեկ երկամարտում բրոնզ, իսկ հրում վարժությունում փոքր արծաթ էր նվաճել մինչեւ 75 կգ քաշային Սոնա Պողոսյանը:
Այսօր տղամարդկանց 94 կգ քաշային կարգի B խմբում հանդես եկավ Կարուշ Ղուկասյանը: Երկամարտի 360 կգ արդյունքով (160+200) հայ ծանրորդն այդ խմբում զբաղեցրեց 3-րդ հորիզոնականը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել