Շաբաթ, 22 սեպտեմբերի

Դավթաշենում ծառերի հատման նախաձեռնողը «Դելֆինի» տնօրենն ու համասեփականատերն է



Այսօր ոստիկանությունը հաղորդագրություն է տարածել, որ հայտնաբերվել է Դավթաշենում 23 բարդիներ հատած անձը: Խոսքը վարչական շրջանի Աղաբաբյան փողոցում «Դելֆին» լողավազանի դիմաց հատված ծառերի մասին է:

Ոստիկանության տեղեկացմամբ՝ արարքը կատարել է 1966 թ.-ին ծնված Ա. Ս-ն, որը բերման է ենթարկվել ոստիկանության Մաշտոցի բաժին: Պատճառված նյութական վնասի չափը, ըստ հաղորդագրության, ճշտվում է: Նյութերն ուղարկվել են Աջափնյակ և Դավթաշեն վարչական շրջանների դատախազություն:

Մեր տեղեկություններով՝ ծառերը հատած անձը նույն լողավազանի տնօրեն Ալեքսան Սամսոնյանն է:

Նա «Սամսոն Սամսոնյան» ՍՊԸ-ի տնօրենն է: Ընկերությունը Ա. Սամսոնյանը հիմնադրել է 1997-ին: 2016-ի դեկտեմբերին որպես փայատեր Սամսոնյանին են միացել դուստրը՝ Սվետլանա Սամսոնյանը, ինչպես նաև Մարիամ Սարդարյանն ու Վահե Համբարձումյանը:

Ընկերության կանոնադրական կապիտալը 16,7 մլն դրամ է: ՍՊԸ-ի իրավաբանական հասցեն Ա. Սամսոնյանի բնակարանն է: Հարկ վճարողների փնտրման համակարգում ընկերության գործունեության տեսակ է նշված ավտոմեքենաների համար հեղուկ գազի և գազօլինի մանրածախ առևտուրը գազալցման կայաններում: Ընկերությունը գազալցակայան ունի Դավթաշենից ոչ հեռու՝ Զովունի համայնքում:

Ինչ վերաբերում է «Դելֆինին», այն լողի մանկապատանեկան մարզադպրոց է, որը գործում է 2007-ից: 2013-ին այստեղ բացվել է փոքր տարիքի երեխաների համար նախատեսված խումբ:  


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ