ՈւԵՖԱ-ի նախագահ Ալեքսանդր Չեֆերինը ժամանել է Հայաստան
Ապրիլի 12-ին պաշտոնական այցով Հայաստան ժամանեց ՈւԵՖԱ-ի նախագահ Ալեքսանդր Չեֆերինը: Օդանավակայանում ՈւԵՖԱ-ի նախագահին դիմավորեց Հայաստանի ֆուտբոլի ֆեդերացիայի նախագահ Ռուբեն Հայրապետյանը: Օդանավակայանից նախագահներն ուղևորվեցին Մայր Աթոռ Սբ. Էջմիածին, որտեղ նրանց ընդունեց Ն.Ս.Օ.Տ.Տ. Գարեգին Բ-ն: ՈւԵՖԱ-ի նախագահը նաև հնարավորություն ունեցավ ծանոթանալու Մայր Աթոռ Սբ. Էջմիածնի պատմությանը և մշակութային ժառանգությանը:
Այնուհետև ՀՖՖ և ՈւԵՖԱ-ի նախագահներն ուղևորվեցին Վաղարշապատի ֆուտբոլի ակադեմիա, որտեղ իրականացրեցին Վաղարշապատի ֆուտբոլի ակադեմիայի հիմնարկեքի խորհրդանշական արարողությունը: Դրանից հետո ՀՖՖ և ՈւԵՖԱ-ի նախագահներն այցելեցին ՀՖՖ տեխնիկական կենտրոն/Ֆուտբոլի ակադեմիա. որտեղ շրջայց կատարեցին ակադեմիայի տարածքում: Շրջայցից հետո նախագահները հանդիպեցին լրագրողների հետ:
Այս մասին հայտնում է ՀՖՖ-ն:
Մեկնաբանել