Այս տարվա փետրվարի վերջի դրությամբ՝ Հայաստանի բանկերի կողմից տրամադրված վարկերի ընդհանուր ծավալը կազմել է 2 տրլն 398 մլրդ դրամ։ Հունվարի վերջի դրությամբ այն 2 տրլն 381 մլրդ դրամ է եղել. մեկ ամսում վարկային պորտֆելն աճել է մոտ 17 մլրդ դրամով կամ 0.7%-ով։

Փետրվարի վերջին գրանցված ցուցանիշներով՝ վարկային ընդհանուր պորտֆելում 4.35%-ը երկարաձգված վարկերն են, 1.4%-ը՝ ժամկետանց վարկերը։ 

Ըստ ՀՀ ԱՎԾ տվյալների Հունվարի համեմատ աճել են թե երկարաձգված, թե ժամկետանց վարկերի ծավալները։ Մասնավորապես, երկարաձգված վարկերի աճը կազմել է 470 մլն դրամ կամ 0.4%, իսկ ժամկետանց վարկերինը՝ մոտ 1.1 մլրդ դրամ կամ 3.3%: Ներկայացնում ենք վերջին մեկ տարում երկարաձգված ու ժամկետանց վարկերի ծավալներն ու դրանց կշիռը՝ ընդհանուր վարկային պորտֆելում։

Ինֆոգրաֆիկայում երևում է, որ մեկ տարում ժամկետանց վարկերի ամենամեծ ծավալն ու կշիռը գրանցվել է նախորդ տարվա մայիսին, ինչին ավելի վաղ անդրադարձել ենք։ Իսկ երկարաձգված վարկերի ծավալները մեծ են եղել հունիսին։ Տարվա երկրորդ կեսից հետո աստիճանաբար նվազում է գրանցվել մինչև տարեվերջ։ Իսկ այս տարվա առաջին երկու ամիսներին աճի միտում է 
նկատվում։