Էլէկտրաէներգիայի արտադրությունն աճել է հունվար-փետրվարին
Այս տարվա հունվար-փետրվարին Հայաստանում արտադրվել է 1.451 մլրդ կՎտ/ժ էլեկտրաէներգիա։ 2016 թվականի նույն ժամանակահատվածի համեմատ՝ այս ցուցանիշը 10.4%-ով աճել է։ Այս մասին տեղեկանում ենք ՀՀ ազգային վիճակագրական ծառայությունից։
Միայն փետրվարին արտադրվել է 675.3 մլն կՎտ/ժ էլեկտրաէներգիա, որի աճը կազմել է 6.9%: Ըստ նույն աղբյուրի՝ տարվա առաջին երկու ամսում հանրապետությունում էլեկտրաէներգիայի արտադրության, հաղորդման և բաշխման ընդհանուր ծավալը կազմել է մոտ 40.9 մլրդ դրամ, որն էլ նախորդ տարվա նույն ժամանակահատվածի համեմատ ավելացել է 1.7%-ով։
Հիշեցնենք, որ 2016 թվականին Հայաստանում էլեկտրաէներգիայի արտադրության անկում է գրանցվել։ Տարեկան կտրվածքով արտադրվել է 7.3 մլրդ կՎտ/ժ էլեկտրաէներգիա, որը 6.2%-ով զիջում է 2015 թվականի ցուցանիշը։ 2016 թվականինը վերջին հինգ տարում գրանցված ամենացածր արդյունքն էր։
Մեկնաբանել