«Գրենկե Չեսս Կլասիկ» մրցաշարի 6-րդ տուրում Լևոն Արոնյանը հաղթանակ տոնեց Հոու Յիֆանի նկատմամբ: Այս մասին տեղեկացնում է Հայաստանի շախմատի ֆեդերացիայի պաշտոնական կայքը:

Այսպիսով, տոնելով 4 անընդմեջ հաղթանակ, մրցաշարի ավարտից մեկ տուր առաջ՝ Արոնյանն անհասանելի դարձավ մրցակիցների համար և դարձավ «Գրենկե Չեսս Կլասիկ» գերհզոր մրցաշարի հաղթող:

Արոնյանը 6 հնարավորից վաստակել է 5 միավոր և միանգամից 1.5 միավորով առաջ անցել մոտակա 2 մրցակիցներից՝ աշխարհի չեմպիոն Մագնուս Կարլսենից և ՖԻԴԵ-ի գործակիցների համաշխարհային դասակարգման 3-րդ շախմատիստ Ֆաբիանո Կարուանայից:

Վաղը տեղի կունենա մրցաշարի վերջին տուրը: