Չորեքշաբթի, 19 սեպտեմբերի

Ավագանու թեկնածուն ունի 10 միլիոն դրամ արժողության ոսկյա զարդեր



Հանրապետական կուսակցությունը ապրիլի 2-ին պատգամավոր չընտրված իր թեկնածուներին որոշել է այս անգամ դարձնել Երևանի ավագանու անդամ: Այդպես է եղել նաև Երևանի քաղաքապետարանի կազմակերպական վարչության պետ Արմինե Վարդանյանի դեպքում:

Նա խորհրդարանական ընտրությունների ժամանակ ՀՀԿ-ի ցուցակում զբաղեցնում էր 100-րդ տեղը: Արմինե Վարդանյանը մասնակցում է նաև մայիսի 14-ին կայանալիք Երևանի ավագանու ընտրություններին՝ զբաղեցնելով ՀՀԿ-ի ցուցակի 56-րդ տեղը:

Ըստ թեկնածուի կենսագրական տվյալների՝ Արմինե Վարդանյանը միշտ պաշտոններ է զբաղեցրել պետական մարմիններում, իսկ 2014թ-ից Երևանի քաղաքապետարանում է աշխատում:

Գաղտնիք չէ, որ պետական կամ տեղական ինքնակառավարման մարմինների աշխատակիցների աշխատավարձը համեմատաբար ցածր է: Ենթադրվում է, որ նրանց ունեցվածքը ևս պետք է համեստ լինի:

Արմինե Վարդանյանը, որպես ավագանու թեկնածու, Կենտրոնական ընտրական հանձնաժողով է ներկայացրել գույքի ու եկամուտների հայտարարագիր, ըստ որի՝ թեկնածուի միակ եկամուտը քաղաքապետարանից ստացված աշխատավարձն է՝ 3 միլիոն 126 հազար դրամ: Սակայն դրամական միջոցներն ու ունեցած թանկարժեք գույքն ավելին է, քան մի քանի տարվա աշխատավարձի հանրագումարը:

Արմինե Վարդանյանն ունի նաև մի քանի անուն անշարժ գույք: Ունի երկու բնակարան՝ Երևանի Բայրոն և Արտաշիսյան փողոցներում, շինություն և հողատարածք Կոտայքի մարզի Արզնի գյուղում:

 


Գլխավոր էջ



Մեկնաբանություններ (1)
1. Արմենակ Եղիայեան21:32 - 2 մայիսի, 2017
Բոլոր թիւերը ամերիկեան ոճով գրուած են, զարմանալի է, ինչո՞ւ հայերէն չեն գրուիր Հայաստանի մէջ. օրինակ՝ 25.000.000 կամ 3.126.270 եւ այլն:
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ