Դիանա Ղազարյան

Հակոբ Պողոսյան

Դավիթ Բանուչյան

Աղախան և Հեղինե Զաքարյանները արդեն 70 տարի է միասին ապրում են Գեղարքունիքի մարզի Ձորագյուղ համայնքում։ Աղախանը 92, Հեղինեն 94 տարեկան է։

70 տարվա համատեղ կյանքի ընթացքում ունեցել են 11 երեխա՝ 7 տղա, 4 աղջիկ, 156 թոռ ու ծոռ։ Զույգի 6 երեխաները արդեն թոռան թոռ ունեն։ Երեխաներով, թոռներով, ծոռներով միասին 28 տղա են ճանապարհել բանակ։ Հիմա էլ բանակում ծառայում է թոռներից ամենափոքրը՝ Արգամը։

Հեղինե տատը, արցունքները սրբելով, ասում է. «Մնացել է էդ մի թոռ, էդ դրան էլ պոկիմ, բերիմ, նոր Աստված հոգիս առնի»։ Ամուսնացել են 1947 թվին, երբ Աղախան պապը վերադարձել է Հայրենական մեծ պատերազմից։

Աղախանի հայրը դեմ է եղել իրենց ամուսնությանը, բայց ասում է՝ սիրտս կպել էր, ասեցի՝ ես էդանք կառնիմ .«Առա ու չփոշմնա։ 11 հատ երեխա բերեց, տվեց, չէ՞, ընձի»։ Հեղինե տատին ամենաշատը մտահոգում է, որ ամուսինը խմում է, չնայած դժգոհում էլ է, որ միայնակ է խմում, իրեն օղի չի տալիս։