Ապրիլի 2-ին անցկացված ընտրությունները մնացած բոլոր ընտրություններից տարբերվել են  խախտումների հնարավոր նվազեցմամբ և կեղծիքների բացակայությամբ, որը հնարավոր է դարձել իշխանություն  և ընդդիմության քաղաքական բարձր կամքի դրսևորման  ու համատեղ աշխատանքին արդյունքում: Այսօր Ազգային ժողովի ամբիոնից նման հայտարարություն արեց ԱԺ նախագահի պաշտոնում ՀՀԿ-ի կողմից առաջադրված թեկնածու Արա Բաբլոյանը:

Վերջինս երախտագիտություն հայտնեց ՀՀԿ-ին բարձր վստահության համար և վստահեցրեց, որ ԱԺ նախագահ դառնալու դեպքում ինքն անելու է հնարավոր ամեն ինչ, որ իշխանություն և ընդդիմություն համագործակցությունը  առավելագույնս ամարպնդվի, քանի որ դա ի շահ Հայաստանի զարգացման և  առաջընթացի է:

«Շատ լավ եմ գիտակցում և համոզված եմ, որ խորհրդարականական կառավարման անցնելու քաղաքական որոշման ու դրա իրագործման արդյունավետությունը պայմանավորված է լինելու ոչ միայն կառավարման համակարգի ճիշտ ընտրությամբ, այլ յուրաքանչյուրիս պատասխանատվությամբ, տքնաջան ու հետևողական աշխատանքով: ՀՀ-ի իշխանությունն, ինչպես գիտենք, պատկանում է ժողովրդին, որն էլ իր քվեով ձևավորեց այս Ազգային ժողովը: Հիմք ընդունելով այս պարզ ճշմարտությունը՝ պաշտոնավարմանս ընթացքում մշտապես ղեկավարվելու եմ այն գիտակցությամբ, որ ես հանրության քվեով ձևավորված ԱԺ նախագահ եմ, ինչը բազմապատկում է  պարտավորվածությանս աստիճանը»,- իր խոսքում նշեց Արա Բաբլոյանը՝ ընդգծելով, որ ԱԺ նախագահ ընտրվելու դեպքում ինքը կարևորելու է մարդու իրավունքների գերակայությունը, Հայաստանի Հանրապետության ինքնիշխանությունը, բիզնեսի  ազատականացման համար համապատասխան դաշտի ապահովումը, Հայաստանի անվտանգության, քաղաքացիների առողջություն ու  կրթվածություն հարցերը:

Ելույթից հետո պատգամավորները հարցեր ուղղեցին Բաբլոյանին: Մասնավորապես՝ Արտակ Զենյալյանը հետաքրքվեց, թե ի՞նչ խնդիրներ է տեսնում ԱԺ նախագահի թեկնածուն մարդու իրավունքների ոլորոտում:

«Ես իմ ելույթի մեջ հատուկ կանգ առաջ մարդու իրավունքների ապահովման հարցին և շեշտեցի, որ մենք պետք է էլ ավելի ընդլայնենք և ամրապնդենք մարդու իրավունքները.  դա հնարավոր է անել կողմից՝ համապատասխան օրենսդրական դաշտի բարեփոխումներով, մյուս կողմից՝ հետևողական մոտեցումներով: Եթե մենք հետամուտ չլինենք մեր կողմի ց ընդունված  օրենքների կատարմանը, ապա չենք կարողանա ստեղծել իրավական պետություն և չենք կարող իրականացնել այն, ինչ մեր առջև դնում է Սահմանդրությունը»,- ասաց Արա Բաբլոյանը:

Զեյնալյանը հետաքրքվեց նաև, թե ինչպիսի գործնական քայլեր է պատրաստվում ձեռնարկել Բաբլոյանը Հայաստանում քաղաքացիական համերաշխության ոլորտում՝ հաշվի առնելով քաղաքական մեծամասնություն ու փոքրամասնություն կոնտեքստը:

«Ես իմ խոսքում հստակ ներկայացրի, որ կանեմ ամեն ինչ, որպեսզի մենք  ունենանք քաղաքական մեծամասնության ու փոքրամասնության  հստակ երկխոսություն»,- ասաց Բաբլոյանը՝ շեշտելով, որ Ազգային ժողովում պատգամավորների նպատակը ոչ թե պաշտոններ գրավելն է, այլ պատասխանատվություն ունենալն ու ժողվրդին ծառայելը:

Ինչպես հայտնի է, Սահմանադարական դատարանը իր գրեթե բոլոր տարեկան հաղորդումներում արձանագրել է, որ Ազգային ժողովը չի կատարում Սահմանադրական դատարանի  որոշումներում արտահայտած իրավական դիրքորոշումներն, ինչպես նաև օրենքները չեն համապատասխանեցրել 2005-ի սահմանդրության փոփոխւթյուններին:

Զեյնալյանն ասաց, որ 2015-ի սահմանադրական փոփոխություններից հետո ևս պիտի մի շարք օրենքներում փոփոխություններ լինեն և հետաքրքրվեց, թե ինչպիսի՞  լուծումներ է  առաջարկում Բաբլոյանը օրենքները սահմանադրությանը համապատասխանեցնելու վերաբերյալ:

«Սահմանադրական դատարանի որոշումները մեզ համար պարտադիր են, եթե ընտրվեմ, կանդրադառնամ այդ որոշումներին, կուսումնասիրեմ և մենք կանդրադառնանք դրանց կատարմանը», - պատասխանեց Բաբլոյանը:

Արտակ Զեյնալյանը Բաբլոյանին լսելուց հետո նշեց, որ ինքը հարցեր է հնչեցրել, որպեսզի դրանց ոչ թե տեսական պատասխաններ տրվեն, այլ ԱԺ նախագահի թեկնածուն ասի, թե գործնականում կոնկրետ ի՞նչ քայլեր է պատրաստվում կատարել, ի՞նչ կոնկրետ խնդիրներ է տեսնում:

«Օրինակ՝ ո՞ր  իրավունքների վիճակն է առաջնահերթ»,- Բաբլոյանին հարցրեց Արտակ Զենյալյանը:

«Մենք կարող ենք որոշում ընդունել  բայց մենք չենք կարող սահմանադրություն փոխել. մենք պիտի հետևենք սահմանդրությանը»,- պատասխանեց Արա Բաբլոյանը:

ԱԺ նախագահի մյուս թեկնածու Էդմոն Մարուքյանը նախկինում ուրիշ պատգամավորի փոխարեն քվեարկած  Բաբլոյանին հարց ուղղեց, թե ինչպե՞ս է վերջինս վերաբերում պատգամավորներիէ ուրիշի օգտին քվերակելու երևույթին:

Բաբլոյանը խոստովանեց, որ նախկինում ինքը քվեարկել է ուրիշի փոխարեն, բայց հետո ներողություն խնդրել:

«Եղել է դեպք, երբ ինքս քվեարկել եմ, որի համար ներողություն եմ խնդրել ու գտնում եմ, որ դա ճիշտ չէ»,- ասաց Արա Բաբլոյանը: