ԱԺ-ն մեկ րոպե լռությամբ հարգեց Պոնտոսի հույների ցեղասպանության հիշատակը
ԱԺ վեցերորդ գումարման երկրորդ նիստը մեկնարկել է։ Նիստին ներկա էր 89 պատգամավոր, բացակա` 16-ը։
Նիստի մեկնարկին ՀՀԿ-ական պատգամավոր Էդուարդ Շարմազանովը ներկա պատգամավորներին խնդրեց մեկ րոպե լռությամբ հարգել Պոնտոսի հույների ցեղասպանության հիշատակը։
Շարմազանովը հիշեցրեց, որ ԱԺ-ն 2015-ի մարտի 24-ին միաձայն դատապարտել է Օսմանյան և քեմալական Թուրքիայում տեղի ունեցած հույների և ասորիների ցեղասպանությունը: «Հույների և ասորիների ցեղասպանությունը Հայոց ցեղասպանության շղթայի շարունակությունն էր։ Ես ևս մեկ անգամ, դատապարտելով Օսմանյան Թուրքիայում տեղի ունեցած ցեղասպանությունը, և այսօրվա թուրքական իշխանությունների ժխտողական քաղաքականությունը, դատապարտում եմ ցեղասպանությունները և կոչ եմ անում ազգային ժողովին՝ մեկ րոպե լռությամբ հարգել Պոնտոսի հույների ցեղասպանության հիշատակը»,- ասաց Շարմազանովը, որից հետո, պատգամավորները, ԱԺ նախագահ Արա Բաբլոյանի գլխավորությամբ, մեկ րոպե լռությամբ հարգեցին ցեղասպանության զոհերի հիշատակը։
Մեկնաբանել