«Կադրային ջարդ Երևանի թիվ 79 մանկապարտեզում». Անահիտ Բախշյան
Երևանի ավագանու անդամ Անահիտ Բախշյանը թիվ 79 մանկապարտեզի դաստիարակ Անահիտ Կոմիտասյանից դիմում-բողոք է ստացել մանկապարտեզի նորանշանակ տնօրենի ժամանակավոր պաշտոնակատարի գործողությունների վերաբերյալ, որի մասին հաղորդագրություն է ուղարկել լրատվամիջոցներին:
«Կադրային ջարդ է սկսվել մանկապարտեզում, տասնյակից ավելի աշխատողներ տնօրենի ժ/պ-ի պահանջով դիմում են գրել ու ազատվել աշխատանքից: «Օգնիր մանկապարտեզիդ» ծրագրին մասնակցելու համար հավաքած գումարը որակել է որպես դրամահավաքություն և այդ պատրվակով դաստիարակից ևս պահանջել է դիմում գրել և ազատվել, որից նա հրաժարվել է: Տիկին Կոմիտասյանը պնդում է, որ սա ունի մեկ նպատակ՝ ազատվել մանկապարտեզի հին կադրերից, փոխարենը բերել իր կադրերը, և սա արվում է անազնիվ մեթոդներով: Այս փաստը խոսում է Երևանի քաղաքապետարանի վերահսկողական զրոյական մակարդակի մասին»:
Ավագանու անդամը հայտնել է նաև, որ դիմել է քաղաքապետ Տարոն Մարգարյանին՝ դաստիարակի մատնանշած փաստերն ուսումնասիրելու խնդրով: Հարցման արդյունքները ստանալուց հետո Բախշյանը կհրապարակի դրանք:
«Տեղի է ունեցել Աշխատանքային օրենսգրքի կոպիտ խախտում, քանի որ աշխատողը առանց նկատողությունների 1 օրվա մեջ ազատվել է աշխատանքից: Այս փաստը տնօրենի ժամանակավոր պաշտոնակատարին կարող է կանգնեցնել դատարանի առջև»,- գրել է Անահիտ Բախշյանը:
Մեկնաբանել