Այս տարվա հունվար-ապրիլին Հայաստանն աշխարհի հետ 1 մլրդ 689 մլն դոլարի առևտուր է արել։ 2016-ի նույն ժամանակաշրջանի համեմատ առևտուրը 15.1%-ով աճել է։ Այս մասին են վկայում Ազգային վիճակագրական ծառայության նախնական տվյալները (ՀՀ ԱՎԾ)։

Հայաստանից արտահանումը հունվար-ապրիլին կազմել է 608.4 մլն ԱՄՆ դոլար, որն աճել է 16.1%-ով։

Իսկ ներմուծումը կազմել է 1 մլրդ 80.6 մլն դոլար, որն աճել է 14.6%-ով։

Նկատելի է, որ տարվա առաջին եռամսյակի համեմատ` արտահանման աճի տեմպը դանդաղել է։