HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Պրոթեզաօրթոպեդիկ պարագաների տրամադրումը կիրականացվի սեղմ ժամկետներում

Աշխատանքի և սոցիալական հարցերի նախարարի ժամանակավոր պաշտոնակատար Արտեմ Ասատրյանի ներկայացմամբ կառավարության այսօրվա հերթական նիստում ընդունվել է պրոթեզաօրթոպեդիկ և վերականգնողական պարագաների տրամադրման ծառայությունների անհետաձգելի գնմանը վերաբերող որոշումը:

Նախարարությունը տեղեկացնում է, որ որոշման ընդունմամբ, մինչև դատարանի որոշման օրինական ուժի մեջ մտնելը, հնարավորություն կունենա օր առաջ ձեռք բերել հաշմանդամություն ունեցող անձանց համար նախատեսված լսողական սարքերի, պրոթեզաօրթոպեդիկ պարագաների տրամադրման և տեղադրման անհրաժեշտ չափաքանակի ծառայություններ:

2017թ. հունվար ամսից վերը նշված ծայությունները տրամադրելու նպատակով ՀՀ աշխատանքի և սոցիալական հարցերի նախարարությունը դեռևս 2016 թվականի դեկտեմբեր ամսին, «Գնումների մասին» օրենքի համաձայն, կազմակերպել էր պրոթեզաօրթոպեդիկ պարագաների տրամադրման և տեղադրման ծառայությունների, հաշմանդամների սայլակների և լսողական սարքերի գնման ընթացակարգեր 121 չափաբաժնով: Դրանցից 71 չափաբաժինների մասով նախարարության և համապատասխան կազմակերպությունների միջև պայմանագրեր կնքվել են, որոնց շրջանանկներում այսօր մատուցվում են ծառայություններ, մնացած 50 չափաբաժնի մասով գնահատման արդյունքները, մինչև անգործության ժամկետ սահմանելը, բողոքարկվել են մրցույթին մասնակցած կազմակերպությունների կողմից, և ներկայումս դատարանի որոշմամբ պայմանագրերի կնքումն արգելված է:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter