Համապետական շաբաթօրյակի ընթացքում 637 աղբանոց է փակվել
«Մաքուր Հայաստան» գործողությունների ծրագրի միջգերատեսչական հանձնաժողովի նախնական տվյալների համաձայն` այսօր կայացած համապետական շաբաթօրյակի արդյունքում Հայաստանի մարզերում փակվել են 637 աղբանոցներ: Այս մասին տեղեկացնում է տարածքային կառավարման և զարգացման նախարարությունը:
Գրանցված 2030 աղբանոցներից այս պահի դրությամբ փակված են ավելի քան 1300-ը: Նախարարությունը ներկայացնում է այսօր փակված աղբանոցների թիվը՝ ըստ մարզերի.
Կոտայք - 67 ,
Սյունիք - 31,
Արագածոտն - 25,
Շիրակ - 60,
Վայոց ձոր - 74,
Արարատ - 8,
Արմավիր - 46,
Լոռի - 244,
Տավուշ - 48,
Գեղարքունիք - 34:
Նախարարությունը տեղեկացնում է, որ շաբաթօրյակի աշխատանքներին մասնակցել է ավելի քան 146.000 քաղաքացի (2832 կոլեկտիվ, 3704 տեղամաս) և 1621 միավոր տեխնիկա:
Երևանի քաղաքապետարանը հավելում է, որ մայրաքաղաքում հավաքվել է 412 տոննա աղբ, այդ թվում՝ ավտոմեքենաների լքված թափքեր:
Մեկնաբանել