Չորեքշաբթի, 19 սեպտեմբերի

«Արմենիան» կթռչի դեպի Միջերկրական ծով, «Տարոն-Ավիան»՝ Մոսկվա



«Արմենիա» ավիաընկերությունը հունիսից ընդլայնում է իր չվերթների ցանցը: Երեւանից դեպի Մին. Վոդի, Վորոնեժ, Բեյրութ եւ Թել Ավիվ թռչող օպերատորը հունիսի 22-ից մինչեւ սեպտեմբերի 7-ը չարտերային թռիչքներ է նախատեսել դեպի հունական Սալոնիկ: Թռիչքները կկատարվեն ամեն հինգշաբթի: Հիշեցնենք, որ անցյալ տարվա հուլիսի 31-ից սկսած մի որոշ ժամանակ «Արմենիան» իրականացրել է սեզոնային (չարտերային) թռիչքներ դեպի այս տուրիստական քաղաք:

Ընկերությունը, ըստ «Զվարթնոց» օդանավակայանի կայքի, հունիսի 25-ից վերականգնում է նաեւ դեպի Թեհրան չվերթները (ամեն չորեքշաբթի եւ կիրակի): Սակայն եթե «Արմենիայի» պաշտոնական կայքում կարելի է Սալոնիկի տոմսեր պատվիրել, ապա Թեհրանի տոմսերը օդանավակայանի չվացուցակով ներկայացված օրերին անհասանելի են այս պահին:

Փետրվարին «Արմենիան» հայտարարել էր նաեւ հունական Հռոդոս (5 չվերթ հուլիսի 18-ից մինչեւ մինչեւ օգոստոսի 28-ն ընկած հատվածում) ու Կալամատա (5 չվերթ հուլիսի 21-ից մինչեւ օգոստոսի 31-ն ընկած հատվածում) կղզիներ, ինչպես նաեւ իտալական Վենետիկ մեկնելու մասին: Ընկերությունն Իտալիա կթռչի հուլիսի 8-ից մինչեւ սեպտեմբերի 9-ը՝ յուրաքանչյուր շաբաթ:

Մայիսին էլ ընկերությունը հայտարարեց հուլիսի 12-ից ամեն չորեքշաբթի կանոնավոր կերպով իսպանական Բարսելոնա մեկնելու մասին:  

Հայկական մյուս օպերատորը՝ Գյումրու «Տարոն-Ավիան», հունիսի 30-ից մեկնարկելու է կանոնավոր չվերթները դեպի Մոսկվայի «Դոմոդեդովո» օդանավակայան (ամեն ուրբաթ): Հուլիսի 23-ից կլինեն թռիչքներ նաեւ կիրակի օրերին: Հիշեցնենք, որ այս պահին «Շիրակ» օդանավակայանում բազավորվող ընկերությունը թռչում է դեպի Կրասնոդար, Դոնի Ռոստով, Սամարա:   

Լուսանկարները՝ ընկերությունների ֆեյսբուքյան էջերից    


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ