Քրեական գործ` դամբարանները թալանելու դեպքի առթիվ
Քննչական կոմիտեի Սյունիքի մարզային քննչական վարչությունում հարուցվել է քրեական գործ՝ Կապանում պատմական առանձնակի արժեք ունեցող դամբարանները քանդելու և թալանելու դեպքի առթիվ:
Կոմիտեի լրատվական ծառայության հաղորդմամբ` 2017թ. հունիսի 12-ին հաղորդում է ստացվել առ այն, որ Կապան քաղաքի Շահումյան հանքավայրի մոտակայքում 2012թ. հայտնաբերված մ.թ.ա. 1-ին հազարամյակի բնակատեղի-դամբարանադաշտ հուշարձանի տարածքում ենթադրյալ հանցագործություն կատարած անձինք քանդել և թալանել են երեք դամբարան:
ՔԿ Սյունիքի մարզային քննչական վարչությունում հունիսի 19-ին հարուցվել է քրեական գործ՝ ՀՀ քրեական օրենսգրքի 264-րդ հոդվածի 1-ին մասի հատկանիշներով և ձեռնարկվում են անհրաժեշտ քննչական և օպերատիվ-որոնողական միջոցառումներ' դեպքի հանգամանքները պարզելու ուղղությամբ:
Նախնական տվյալներով՝ բնակատեղի-դամբարանադաշտ հուշարձանի երեք դամբարանները քանդվել և վնասվել են 2017թ. փետրվարին: Պարզվում է ենթադրյալ հանցագործություն կատարած անձանց շրջանակը: Ըստ ՔԿ լրատվական ծառայության` նախաքննությունը շարունակվում է, միջոցներ են ձեռնարկվում՝ պատճառված վնասի չափը հստակեցնելու, դամբարանի տարածքից հափշտակված առարկաները հայտնաբերելու ուղղությամբ:
Մեկնաբանել