Դեռևս 2017թ.-ի առաջին կիսամյակում Եվրասիական տնտեսական միության դեղերի միասնական շուկայի գլխավոր մարմիններից մեկը՝ Դեղագրքային կոմիտեն, ուսումնասիրել է դեղագրքային հոդվածների վերաբերյալ  տարբեր անդամ երկների կողմից ներկայացված շուրջ 120 նախագծեր: Դրանք ուղղված են ԵԱՏՄ դեղերի միասնական շուկայի զարգացմանը: Այս մասին նշված է Եվրասիական տնտեսական հանձնաժողովի պաշտոնական կայքում:

Նախագծերից 40-ը, որոնք ներկայացվել են Բելառուսի և Ղազախստանի կողմից, հավանության են արաժանացել և արդեն ներկայացվել են հանրային քննարկման:

Այս ամենը, ըստ Դեղագրքային կոմիտեի, նպատակ ունի ապահովել դեղերի անվտանգ կիրառումը, ինչպես նաև՝ արտադրողների արդյունավետ գործունեությունը: Բացի այդ, կհեշտացնի պետական մարմինների վերահսկման աշխատանքը:

Դեղերի վերահսկողության միասնական փաթեթի ստեղծումը  ԵԱՏՄ տարածքում դրանց ազատ տեղափոխման հնարավարություն կտա: Միասնական դեղագրքի առկայությունը կթեթևացնի նաև երրորդ երկրներ արտահանման գործընթացը:

Մինչ օրս հավանության են արժանացել տարբեր փաթեթներ, որոնց թվում են՝  «Սարքավորումներ», «Ֆիզիկական և ֆիզիկա-քիմիական մեթոդներ», «Քանակական որոշման մեթոդներ» փաթեթները:

80-ից ավելի նախագծեր ուղարկվել են լրամշակման ԵԱՏՄ երկրների համապատասխան լիազոր մարմիններ:

Վերջինիս փորձագետներին հանձնարարվել է նաև սեղմ ժամկետում ուսումնասիրել և հաստատել դեղագրքերի 212 հոդված, որպեսզի հնարավոր լինի ամբողջականացնել միության միասնական դեղագրքի առաջին մասը:

Դեղագիտական կոմիտեի գործունեության վերաբերյալ առավել մանրամասն տեղեկություններ կարելի է  ստանալ՝ այցելելով հետևյալ հղումով: