Հուլիսի 6-ից  8-ը Ղազախստանի Աստանա քաղաքում անցկացվեց Սամբոյի աշխարհի գավաթի փուլերից «Ն. Նազարբաևի մրցանակներ» «Ա» դասի միջազգային մրցաշարը, որին այս տարի մասնակցում էր 16 պետության շուրջ 200 մարզիկ: Ինչպես հայտնում է Սամբոյի հայկական ֆեդերացիան, այս հեղինակավոր մրցաշարին մասնակցում էր նաեւ Հայաստանը, և մեր մարզիկներից երկուսը նվաճեցին մեդալներ: Պատվո երրորդ հարթակին կանգնեցին 57կգ քաշային կարգում ուժերը փորձարկող Տիգրան Կիրոկոսյանը և 82 կգ քաշային Վահագն Չալյանը: