«Սասնա Ծռերի» գործով նիստը սկսվեց «Արա՛մ, ծնունդդ շնորհավոր» վանկարկումներով
Ամալյա Մարգարյան
«Սասնա ծռերի» 18 անդամների գործով նիստը սկսվեց «Արա՛մ, ծնունդդ շնորհավոր» վանկարկումներով: Այսօր Արամ Մանուկյանի ծննդյան օրն է:
Նիստերի դահլիճ բերվեցին ամբաստանյալներ Արամ Մանուկյանը, Հովհաննես Հարությունյանը, Թաթուլ Թամրազյանը, մյուս ամբաստանյալների նկատմամբ նախագահող դատավոր Արտուշ Գաբրիելյանը վեցժամյա սանկցիա էր կիրառել:
Այսօրվա նիստը սկսելուց հետո փաստաբան Լուսինե Սահակյանը ցանկացավ միջնորդություն ներկայացնել, սակայն դատավորը թույլ չտվեց, իսկ Լուսինե Սահակյանի խոսքը շարունակելուց հետո դատավորը դիմեց փաստաբանին և ասաց. «Ամբաստանյա́լ Լուսինե, Սահակյան, եթե էսպես շարունակեք, դատարանը ձեր նկատմամբ խափանման միջոցը փոխելու որոշում կկայացնի»:
Դատավորը նիստը ընդմիջեց և խոսքը ուղղեց՝ նշելով, որ խորհրդակցական սենյակ է գնում՝ փաստաբանի վարքագծի վերաբերյալ որոշում կայացնելու համար:
Սասնա ծռերի աջակիցներն Արամ Մանուկյանի ծննդյան օրը շնորհավորելու համար պաստառ էին պարզել:
Մեկնաբանություններ (1)
Մեկնաբանել