Շաբաթ, 18 նոյեմբերի

Հեռահաղորդակցության ոլորտի անկումը խորանում է



Հեռահաղորդակցության ոլորտը Հայաստանում «ազատ անկման» մեջ է։ Բջջային օպերատորների եկամուտները պակասում են, ինչն ուղղակիորեն ազդում է կապի ոլորտի հասույթի ընդհանուր ցուցանիշի վրա։

2016-ին Հայաստանում կապի ընդհանուր հասույթը նվազել է շուրջ 10%-ով։ Իսկ այս տարվա վերջին տվյալներով՝ հունվար-մայիսին ոլորտն ապահովել է մոտ 58 մլրդ դրամի հասույթ, որը 2016-ի նույն ժամակահատվածի համեմատ 6.7%-ով նվազել է։

Ինչպես տեղեկանում ենք Ազգային վիճակագրական ծառայությունից (ՀՀ ԱՎԾ), հասույթի ավելի քան 54 մլրդ դրամը գոյացել է հեռահաղորդակցության ոլորտից, մնացածը՝ հեռուստատեսային և ռադիոծրագրերի կազմման և հեռարձակման։

Միայն հեռահաղորդակցության ոլորում հասույթը նվազել է 8%-ով։

Ինչպես ավելի վաղ գրել ենք, աշխարհում այսօր բջջային օպերատորների համար ամենալուրջ մարտահրավերներից են OTT (անգլ. Over the Top)  ծառայությունները՝ Skype-ը, Viber-ը, Messenger-ը, WhatsApp-ը և այլն։ Այս ծառայությունների տարածումը հանգեցրել է հեռախոսակապի դերի նվազմանը, ինչի հետևանքով էլ պակասել է բջջային օպերատորների հասույթը շուկայում։

Հայաստանում այս տենդենցն առավել նկատելի դարձավ 2014  թվականից և նախորդ տարվանից այն ավելի է խորանում։ Եթե այս տարվա հունվար-մայիսին հեռահաղորդակցության ոլորտի անկումը կազմել է  8%, ապա՝ նախորդ տարվա նույն ժամանակահատվածի արդյունքներով այն 5% էր։

2016 թվականի տարեկան տվյալներով հեռահաղորդակցության ոլորտում հասույթի անկումը կազմել է 21.5%: Ներկայիս տեմպով շարունակելու դեպքում, այս տարի անկումն ավելի մեծ կլինի։

Նշենք, որ ըստ հասույթի՝ հեռահաղորդակցության ոլորտի շուրջ 60%-ը բջջային շուկան է զբաղեցնում։


Գլխավոր էջ



Մեկնաբանություններ (1)
1. Հայկ Մարգարյան14:08 - 16 հուլիսի, 2017
Դա նրանից է,որ հաշվի չեն առնվում բաժանորդների կարծիքը,ինչ ուզում անում են,ինչքան ուզում թանկացնում կամ սահմանափակում են,կապերի որակը համապատասխան չէ գնի հետ,ու ամենակարեվորը,որ անսահմանափակ ինտերնետը վերացրեցին,որ գերշահույթ ստանան,ու տեսեք արդյունքը,նվազել է ավելի։Լիներ անսահմանափակ,մարդիկ իրենց տան ինտերնետից չեին կապանցի վայբերով,այլ կլիցքավորեին բջջայինները։Ապահովեք որակ եւ ինտերնետ,կստանաք գերշահույթ,չեք ապահովի,տենդենցը կշարունակվի։
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ