HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գագիկ Աղբալյան

Սերգո Երիցյանի դատավոր որդին կայուն տեմպով հարստանում է

Լեզվի պետական տեսչության պետ Սերգո Երիցյանի որդին՝ Երևան քաղաքի Աջափնյակ և Դավթաշեն վարչական շրջանների ընդհանուր իրավասության դատարանի դատավոր Սարգիս Երիցյանը, վերջին 6 տարիներին մի քանի տասնյակ անգամ ավելացրել է իր ունեցած դրամական միջոցները:

Այս մասին տեղեկանում ենք Բարձրաստիճան պաշտոնատար անձանց էթիկայի հանձնաժողովի կայքից, որտեղ հրապարակվել է դատավոր Երիցյանի 2016 թվականի տարեկան հայտարարագիրը:

2011 թվականից մինչեւ 2016 թվականը ներառյալ, թե դրամով, թե արտարժույթով, Երիցյանի դրամական միջոցները հսկայական աճ են արձանագրել:

Միայն վերջին տարում դատավորի դրամային արժույթով դրամական միջոցներն աճել են 9,2 մլն-ով:

Հայտարարագրում նշված է, որ Սարգիս Երիցյանը ավելի քան 104 հազար ամերիկյան դոլարի չափով փոխառություններ ունի տրված, որի տոկոսներից ստացված եկամուտը կազմել է 637 հազար դրամ:

Դատավորի հայրը՝ Լեզվի պետական տեսչության պետ Սերգո Երիցյանը, հարկային տարվա ընթացքում 5 անշարժ գույք է ստացել: Հայտարարագրի «եկամուտներ» բաժնում նշված է, որ Սերգո Երիցյանը ժառանգության կարգով ստացել է 13 մլն 650 հազար դրամի չափով եկամուտ՝ բնամթերքով, ինչպես նաեւ 14,5 մլն դրամ եկամուտ, որից 6,8 մլն դրամը՝ աշխատանքի վարձատրությունից, 7,7 մլն-ը՝ փոխառություններից ստացված տոկոսներից:

Մեկնաբանություններ (1)

Արամ
Սերգո Երիցյանի «դատավոր» որդուն ԵԴ/16359/02/18 գործից հետո պետք է դուրս շպրտել դատական համակարգից

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter