Պաշտպանի աշխատակազմի աշխատակիցները չհայտարարված այց են կատարել «Հրազդան» քրեակատարողական հիմնարկ
Մարդու իրավունքների պաշտպանի աշխատակազմի մասնագետները, ամփոփելով ստացված բանավոր և գրավոր բողոքները, 2017 թվականի հուլիսի 27-ին հերթական չհայտարարված այցն են կատարել արդարադատության նախարարության «Հրազդան» քրեակատարողական հիմնարկ: Այս մասին տեղեկացնում է ՄԻՊ գրասենյակը։
Ըստ հաղորդագրության՝ աշխատակիցները առանձնազրույցներ են ունեցել ազատազրկված անձանց հետ, ուսումնասիրվել են նրանց բժշկական փաստաթղթերը և պահման վայրի պայմանները:
«Արձանագրված խնդիրների մի մասը քրեակատարողական հիմնարկի վարչակազմի հետ աշխատանքի արդյունքում տեղում լուծում է ստացել, մյուս մասը արդարադատության նախարարություն կներկայացվի քննարկման գրավոր ընթացակարգի շրջանակներում»,- նշված է հաղորդագրության մեջ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել