Վրաստանյան  foodpanda.ge հասցեով արդեն հաճախորդները մեխանիկորեն մուտք են գործում menu.ge։ Սննդի առաքմամբ զբաղվող հայկական Menu Group ընկերությունը ձեռք է բերել Վրաստանում իր մրցակից Foodpanda ընկերությունը։

Foodpanda-ն  սննդի առաքմամբ զբաղվող ընկերությունների ցանց է, որն ունի գերմանական ծագում և գործում է տարբեր երկրներում։

Menu Group-ի հիմնադիր Վահան Քերոբյանը ֆեյսբուքյան իր էջում գրել է. «Ուղիղ հինգ տարի առաջ սկսեցինք Menu.am-ը։ Երեք տարի առաջ Menu.ge-ն։ Մեկ տարի առաջ Menu.by-ը։ Այսօր մեր Վրաստանի մրցակիցը՝ DeliveryHero-ի foodpanda.ge-ն, դուրս եկավ վրացական շուկայից»։

Ըստ նրա՝ մանրամասները շուտով կհայտնեն համատեղ հայտարարությամբ։