Օգոստոսի 3-ին Պաշտպանության նախարարության վարչական համալիրում ՊՆ կենտրոնական ապարատի ստորաբաժանումների և ռազմաուսումնական հաստատությունների ներկայացուցիչների համար կազմակերպվել է «Էթիկան հանրային ծառայությունում և քննական մտածողություն» խորագրով դասախոսություն: Այս մասին հայտնում է ՊՆ տեղեկատվության եւ հասարակայնության հետ կապերի վարչությունը:
Բանախոսը` ԱՄՆ Քոնեքթիքութ նահանգի Բրիդջպորտի ռազմական ակադեմիայի դասախոս Աննա Կրիկորյանը, ներկայացրել է քննական մտածողության և Էթիկայի գլխավոր սկզբունքներն ու հանրային ծառայությունում դրանց կիրառման մեխանիզմները, ինչպես նաև մանրամասն անդրադարձել է Էթիկայի փիլիսոփայական ակունքներին, կոլեկտիվներն առաջնորդելու շրջանակներում էթիկայի կարևորությանը և խնդիրների լուծման ընթացքում քննական մտածողության կիրառման հանգուցային նշանակությանը: