Երկուշաբթի, 25 սեպտեմբերի

ՄԻՊ. Վարդան Գերավետյանը, Տիգրան Մանուկյանը և Վարդգես Գևորգյանը դադարեցրել են հացադուլը



Այսօր Մարդու իրավունքների պաշտպանի աշխատակազմի ներկայացուցիչները հերթական այցն են կատարել արդարադատության նախարարության «Նուբարաշեն» քրեակատարողական հիմնարկ։ Այս մասին տեղեկացնում է ՄԻՊ աշխատակազմից:

Նրանք առանձնազրույց են ունեցել հացադուլ հայտարարած Տիգրան Մանուկյանի հետ, քննարկել նրա ներկայացրած հարցերը քրեակատարողական հիմնարկի վարչակազմի հետ, որից հետո Տիգրան Մանուկյանը որոշել է դադարեցնել հացադուլը:

Ավելի վաղ՝ օգոստոսի 9-ին, հացադուլը դադարեցրել է Վարդան Գերավետյանը, իսկ օգոստոսի 7-ին՝ Վարդգես Գևորգյանը:

Մարդու իրավունքների պաշտպանի աշխատակազմի ներկայացուցիչները ևս մեկ անգամ ուսումնասիրել են նրանց բժշկական փաստաթղթերը: Քրեակատարողական հիմնարկի բուժանձնակազմի հետո տեղի են ունեցել համապատասխան քննարկումներ կապված նրանց առողջական վիճակի և դրա նկատմամբ վերահսկողության հետ:

Հացադուլ հայտարարած անձանց իրավունքների ապահովումը պահանջում է աշխատանքի հատուկ սկզբունքներ։ Նրանց պահման պայմանների վիճակը մշտապես եղել է Մարդու իրավունքների պաշտպանի աշխատակազմի ուշադրության ներքո:


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ