Հայաստանը կրկին պարտվել է Մարդու իրավունքների եվրոպական դատարանում՝ «Դնգիկյանն ընդդեմ Հայաստանի» գործով։ ՄԻԵԴ-ը որոշել է, որ Հայաստանը խախտել է դիմումատուի իրավունքները և պարտավոր է փոխհատուցել։

ՄԻԵԴ-ն այս վճիռը կայացրել է հունիսի 15-ին և Հայաստանին պարտավորեցրել վճարել 3600 եվրոյին համարժեք դրամ` վճռով սահմանված արդարացի հատուցման համար:

Գումարը արդարադատության նախարարությանը կհատկացվի կառավարության պահուստային ֆոնդից, ինչը կառավարությունն այսօրվա նիստում հաստատեց։

Հատուցման գումարի վճարման վերջնաժամկետը սեպտեմբերի 15-ն է։

Հիշեցնենք, որ մեկ ամիս առաջ էլ ՄԻԵԴ-ում Հայաստանը պարտվել էր «Նիկողոսյանն ընդդեմ Հայաստանի» գործով։